| اے مرے آشنا کہاں ہے تو |
| عید ہو جائے آ کہاں ہے تو |
| کچھ گلے شکوے باقی رہتے ہیں |
| اے سخن آشنا کہاں ہے تو |
| ایک مدت سے ہجر طاری ہے |
| وصل کے دیوتا کہاں ہے تو |
| ڈوب جاۓ نہ آس کا سورج |
| ہو نہ جاۓ خطا کہاں ہے تو |
| ہجر کے دن کٹے نہیں کٹتے |
| زندگی غم زدہ کہاں ہے تو |
| جی نہیں سکتا میں بنا تیرے |
| ہو گیا فیصلہ کہاں ہے تو |
| ڈوب جاۓ نہ آس کا سورج |
| ہو نہ جاۓ خطا کہاں ہے تو |
| ہجر کے دن کٹے نہیں کٹتے |
| زندگی غم زدہ کہاں ہے تو |
| در کھلا دیکھ کر گدا گر نے |
| دی صدا جا بجا کہاں ہے تو |
| مانگتے مانگتے تجھے رب سے |
| ہو نہ جاؤں فنا کہاں ہے تو |
| زندگی بوجھ ہے بنا تیرے |
| ہو گئی انتہا کہاں ہے تو |
| بجھ نہ جائے چراغ الفت کا |
| آ بھی جا دلربا کہاں ہے تو |
| ہجر کی رنجشیں مٹانی ہیں |
| منتظر ہوں ترا کہاں ہے تو |
| ڈوب جائے نہ یہ سفینہ بھی |
| اے مرے ناخدا کہاں ہے تو |
| ہجر کی رات ہے کٹھن سید |
| مل بھی جا کج ادا کہاں ہے تو |
معلومات