.jpg)
| تِری ذات پہلی جو رَب سے جُڑی ہے |
| تُمہیںؐ دیکھنا ہی عِبادت بَڑی ہے |
| مَلاحَت شَباہَت، سَراپا قیامت |
| یہ مُہرِ نبوت کھِلی پنکھڑی ہے |
| ہُوا خَلق جب سے تِرا نُورِ رحمت |
| لگی رحمتوں کی برابر جَھڑی ہے |
| بُلا کر خَلائق خُدا کہہ رہا ہے |
| تُمہیںؐ دیکھنے کو یہ دُنیا کھڑی ہے |
| وہ پڑھتے ہیں قرآن سر کو کٹا کر |
| کہ جن پر نِگاہِ محمد ﷺ پَڑی ہے |
| میں قُربان تیرے، تِری آل پر بھی |
| تِری آل نُورِ خُدا کی لَڑی ہے |
| جو محبوبؐ رَب کے وہ محبوبؐ میرے |
| خُمارِ مُحبت مُجھے ہر گھڑی ہے |
| بَناؤں میں محبوب تیرے علاوہ |
| نہ مُجھ کو کوئی آن ایسی پَڑی ہے |
| سَرِ حشر رہنا مِرے پاس آقاؐ |
| سُنا ہے قیامت بہت ہی کَڑی ہے |
| تُمہیؐ ہو ہمارے مسیحا محمد ﷺ |
| بَہ جُز آپؐ کے سب کو اپنی پَڑی ہے |
| تِری یاد میں اَشک بہنے لگے ہیں |
| یہ بارانِ رحمت مِری جھونپڑی ہے |
| مِرا لفظِ آخر ہو نامِ محمد ﷺ |
| یہ جاں اِس لئے تو لَبوں پر اَڑی ہے |
معلومات