| ہمیشہ دیر کی میں نے |
| ضروری کام کرنے میں خودی کی جنگ لڑنے میں |
| انا دل سے مٹانے میں دل اپنا پاک کرنے میں |
| ہمیشہ دیر کی میں نے |
| کسی مظلوم کی دستار گرنے سے بچانے میں |
| کہ ضربیں جاکے ظالم کے واں ہاتھوں پر لگانے میں |
| ہمیشہ دیر کی میں نے |
| کبھی معصوم بچوں کو گلے اپنے لگانے میں |
| کسی کو پیار کرنے میں یا سر پر ہاتھ رکھنے میں |
| ہمیشہ دیر کی میں نے |
| کسی بھوکے کو یاں اخلاص سے کھانا کھلانے میں |
| تڑپتے پیاس سے اشخاص کو پانی پلانے میں |
| ہمیشہ دیر کی میں نے |
| کسی عاصی کو ظلمت سے اجالوں میں ہی لانے میں |
| یہاں رستہ ہے کیا حق کا کسی کو یہ بتانے میں |
| ہمیشہ دیر کی میں نے |
| کہیں ٹوٹے دلوں کو جوڑ کے اک جاں بنانے میں |
| تعلق گر کہیں ٹوٹے تو جا کر کے بچانے میں |
| ہمیشہ دیر کی میں نے |
| حقیقت کو بتانے میں غلط فہمی مٹانے میں |
| کہیں امداد کرنے میں کہیں فریاد کرنے میں |
| ہمیشہ دیر کی میں نے |
معلومات