| وقت کو بدلنے میں, دیر کتنی لگتی ہے |
| اک چراغ جلنے میں, دیر کتنی لگتی ہے |
| تُجھ کو زُعم ہے اپنے، حسن پر بُہَت, لیکن |
| دلکشی کو ڈَھلنے میں، دیر کتنی لگتی ہے |
| اس مُسابَقَت میں ہم, گِر کبھی گئے تو کیا |
| گِر کے پھر سنبھلنے میں، دیر کتنی لگتی ہے |
| عاشِقی کے دعوؤں کو، سچ بھی مان لیں، پھر بھی |
| راستہ بدلنے میں، دیر کتنی لگتی ہے |
| سر اُٹھائے پھرتا ہے، کیوں تو فانی دنیا میں |
| سانس کے نکلنے میں، دیر کتنی لگتی ہے |
| بے وفا ہے وہ، مانا، پر وہ لوٹ آئے تو |
| زین، دل پگلنے میں، دیر کتنی لگتی ہے |
معلومات