| غزل |
| نہ غمی کا کوئی بھروسہ ہے |
| نہ خوشی کا کوئی بھروسہ ہے |
| اک تغیر ہے دائمی ہر پل |
| عارضی کا کوئی بھروسہ ہے |
| چودھویں شب حسین ہے لیکن |
| چاندنی کا کوئی بھروسہ ہے |
| سَب نظر کا فریب ہے صاحب |
| دلکشی کا کوئی بھروسہ ہے |
| ٹمٹماتا ہوا دیا گویا |
| زندگی کا کوئی بھروسہ ہے |
| آج ہم سے ہے کل کسی سے ہو |
| دوستی کا کوئی بھروسہ ہے |
| قول دے کر وہ کل مکر جائے |
| آدمی کا کوئی بھروسہ ہے |
| ایک شوریدہ سر کی منطق ہے |
| عاشقی کا کوئی بھروسہ ہے |
| رب کی رحمت پہ تُو بھروسہ رکھ |
| بندگی کا کوئی بھروسہ ہے |
| بے سبب دل میں گھاڑ دے پنجے |
| بے کلی کا کوئی بھروسہ ہے |
| جانے کب ہو نئی غزل وارد |
| شاعری کا کوئی بھروسہ ہے |
| بلبلہ ہے شہاب یوں سمجھو |
| زندگی کا کوئی بھروسہ ہے |
| شہاب احمد |
| ۵ مئی ۲۰۲۵ |
معلومات