| مُڑ مُڑ نہ دیکھ یار , مجھے دور جانا ہے |
| جاؤں ترے نثار , مجھے دور جانا ہے |
| بوجھل ہیں میرے پاؤں بڑی تیز دھوپ ہے |
| آ چل ندی کے پار , مجھے دور جانا ہے |
| محشر تلک تمہارا یہ , احسان مانوں گا |
| اک شام دے اُدھار , مجھے دور جانا ہے |
| اس رہ گزارِ شوق پہ تنہا نہیں ہوں میں |
| ہے ساتھ تیرا پیار , مجھے دور جانا ہے |
| دنیا کی سب بلائیں رہیں دُور آ تیری |
| لوں میں نظر اُتار , مجھے دور جانا ہے |
| ڈر ہے بھٹک نہ جاؤں کہیں گر نہ جاؤں میں |
| تھامے چلو نا یار , مجھے دور جانا ہے |
| آشوب ہے زمانہ , بڑے ماہ رُو ہو تُم |
| خود کو لوں تجھ پہ وار مجھے دور جانا ہے |
| رب جانے پھر نصیب میں ملنا لکھا نا ہو |
| مل لو نا ایک بار , مجھے دور جانا ہے |
| کس کو پڑی ہے ورنہ ترا شہر چھوڑ دے |
| منزل کی ہے پکار , مجھے دور جانا ہے |
| تم کیا گئے ہو اپنی تو, دنیا اُجڑ گئی |
| کھو کہ تمہارا پیار , مجھے دور جانا ہے |
| یاسر کی ہے دُعا کہ رہیں , شاد تا ابد |
| تُو اور ترا دیار , مجھے دور جانا ہے |
معلومات