| ہدایت کا رستہ دکھاتا ہے قرآں |
| گناہوں سے ہم کو بچاتا ہے قرآں |
| ----------- |
| کلامِ خدا ہے یہ نورِ مبیں ہے |
| دلوں کے اندھیرے مٹاتا ہے قرآں |
| -------- |
| بناتا ہے انساں کو بندہ خدا کا |
| ہمیں رب سے اپنے ملاتا ہے قرآں |
| ------------ |
| دکھاتا ہے رستہ یہ بھٹکے ہوؤں کو |
| انہیں راہِ منزل پہ لاتا ہے قرآں |
| ---------- |
| چلیں راستے پر جو اپنے خدا کے |
| نویدِ مسرّت سناتا ہے قرآں |
| ------------ |
| تھے فرعون و ہامان باغی خدا کے |
| یہ انجام ان کا بتاتا ہے قرآں |
| ----- |
| ہیں آیات اس کی ہدایت کا منبع |
| ہدایت پہ جینا سکھاتا ہے قرآں |
| ----------- |
| ہوا جن پہ نازل عذابِ خدا تھا |
| ہمیں ان سے عبرت دلاتا ہے قرآں |
| --------- |
| ہوا جن پہ نازل تھا قرآن سارا |
| ہمیں ان کے طابع بناتا ہے قرآں |
| ------ |
| صحابہ نبی کے سبھی محترم تھے |
| ہمیں ان کی عزّت سکھاتا ہے قرآں |
| ------------ |
| سکھا کر ہمیں یہ ہنر زندگی کا |
| زمانے کا حاکم بناتا ہے قرآں |
| ------- |
| تلاشِ خدا ہے اگر تم کو ارشد |
| خدا سے تمہیں یہ ملاتا ہے قرآں |
| --------- |
معلومات