| اُس کی ہستی کے بارے اٹھاؤ سوال |
| نقش فطرت میں ہے ڈھونڈتے ہو جمال |
| اپنی کوشش سے کیسے پہنچ پاؤ گے |
| فضل اس کا ہوا تو وہ مل جائے گا |
| سو ضروری ہے کچھ کام ایسے کرو |
| تم سے راضی ہو رحم اس کا تم کھینچ لو |
| اُس کو قادر اگر تم خدا مان لو |
| حسن اور اس کے احسان کو جان لو |
| عالمیں کا وہ رب ہے وہ رحمان ہے |
| اس کی رہ میں جو کوشش کرے ہے رحیم |
| ہے وہ مالک تو اک دن وہ لے گا حساب |
| ہے صفت اس کی ہر ایک رحمت کا باب |
| اس کو اِخلاص سے پائے کر کے دُعا |
| اس کے احکام پر پھر عمل وہ کرے |
| اس کی رہ میں جو کوشش کرے ڈھونڈ لے |
| اس کے در پر جھکے اس کو سجدے کرے |
| ذات پر اپنی خود وہ دلائے یقیں |
| شرط ہے استقامت کا رستہ مبیں |
| ہاں وہ رستہ پڑے جس پہ انعام ہیں |
| پائیں دل جن پہ ہوتے پھر الہام ہیں |
| کشف پاتے ہیں وہ قلب تنویر ہو |
| ان پہ ظاہر جو قرآں کی تفسیر ہو |
| ہے غضب جن پہ اترا انہیں چھوڑ دیں |
| مت چلیں ساتھ بھٹکے جو اس راہ سے |
| اس کو ڈھونڈے گا اِخلاص سے کوئی گر |
| اپنی محنت کا پائے گا بے شک ثمر |
| ذات پر اس کی سب سے یہ بڑھ کر دلیل |
| خود کو کر دے عیاں ذاتِ ربِّ جلیل |
معلومات