| تدبیر کر کے ہم تو تقدیر تک نہ پہنچے |
| اچھی لکھی ہوئی اس تحریر تک نہ پہنچے |
| دیکھے تھے خواب کتنے آنکھوں نے رات اپنی |
| وہ خواب صبح ہوتے تعبیر تک نہ پہنچے |
| جن راستوں پہ چل کر پاتے سراغِ منزل |
| وہ راستے خیالِ رہگیر تک نہ پہنچے |
| کچھ خاص لوگ شامل تھے خاص سازشوں میں |
| جن کے قدم ابھی بھی زنجیر تک نہ پہنچے |
| آئین ساز اپنا انجام سوچ لینا |
| تیرا عمل کہیں یہ تعزیر تک نہ پہنچے |
| خدشہ لگا ہوا ہے ہر شخص کو، ابھی اور |
| اسلاف کی وراثت، جاگیر تک نہ پہنچے |
| ماحول میں کچھ ایسی، کوشش ہے بندشوں کی |
| کوئی شکیل ملنے ، ست ویر تک نہ پہنچے |
معلومات