| کس قدر رنج اس کی کہانی میں ہے |
| میرے اشکوں کا دریا روانی میں ہے |
| لہجۂ تلخ میری زبانی میں ہے |
| اک الگ ہی مزہ حق بیانی میں ہے |
| فکرِ عقبی نجانے کہاں مر گئی |
| ہر کوئی مبتلا دارِ فانی میں ہے |
| دل بہلتا ہے شعر و سخن سے مگر |
| لطف جو اصل ہے نعت خوانی میں ہے |
| تم عبادت کرو رب کی برنائی میں |
| اصلِ لطفِ عبادت جوانی میں ہے |
| اے خدا بخش دے مجھ کو عیش و امنگ |
| سیلِ غم ہی مری زندگانی میں ہے |
| اپنے اعمال پر لوگ ہیں مطمئن |
| تو بھی احسنؔ اسی بد گمانی میں ہے |
معلومات