| شاہؐ کے نورِ عین آ گئے ہیں |
| ابنِ شاہِ حُنینؑ آ گئے ہیں |
| دلِ زہراؑ کا چین آ گئے ہیں |
| صد مبارک حُسینؑ آ گئے ہیں |
| اِستراحت میں نین آ گئے ہیں |
| دلِ بے کَل کو چین آ گئے ہیں |
| جب سُنا ہے, حُسینؑ آ گئے ہیں |
| صد مبارک حُسینؑ آ گئے ہیں |
| جس کے آگے جُھکی جبینِ فَلَک |
| دست بستہ کھڑے ہوے ہیں مَلَک |
| وہ شَہِ مشرقینؑ آ گئے ہیں |
| صد مبارک حسینؑ آ گئے ہیں |
| بھیجتے ہیں درود اہلِ عرش |
| پڑھ رہے ہیں سلام اہلِ فرش |
| رونقِ قبلتین آ گئے ہیں |
| صد مبارک حُسینؑ آ گئے ہیں |
| شاہدِ حق سرِ نبیؐ, یعنی |
| صَولَت و حَشْمَتِ علیؑ، یعنی |
| دین کی زیب و زین آ گئے ہیں |
| صد مبارک حسینؑ آ گئے ہیں |
| شان و طُغْرائے عزم و اِسْتِقْلال |
| قوتِ صاحبانِ اِضْمِحْلال |
| فاتحِ کُل کی دَین آ گئے ہیں |
| صد مبارک حُسینؑ آ گئے ہیں |
| وارثِ خیر، غیرتِ اسلام |
| قامعِ جَبْر، امامِ عالی مقامؑ |
| مالکِ مَشْرقَین آ گئے ہیں |
| صد مبارک حسینؑ آ گئے ہیں |
| چاند شَعْبان کا یہی ہے کَہے |
| نامُرادی کے دن تمام ہُوے |
| دیکھو شاہدؔ حُسینؑ آ گئے ہیں |
| صد مبارک حُسینؑ آ گئے ہیں |
معلومات