| تُو آ گیا ہے مرے پاس یہ گماں ہے ابھی |
| یقینِ وصل کو دیکھوں کہ وہ کہاں ہے ابھی |
| ترے جو ہجر میں گزری ہیں راتیں وہ میری |
| میں یہ یقین تو کر لوں کہ تُو یہاں ہے ابھی |
| کہ تیرے بعد رہا ہوں ترے خیالوں میں |
| میں دیکھتا جو رہا خواب وہ جواں ہے ابھی |
| نشانیاں تو بہاروں کے آنے کی ہیں سبھی |
| بہار آ بھی گئی مجھ پہ کیوں خزاں ہے ابھی |
| کہ ہر طرف تری آمد کا جشن ہونا تھا |
| کہ میرے چار طرف کیسی یہ فغاں ہے ابھی |
| مسافتیں بھی ہمایوں رہی طویل یہاں |
| کہ تُو چلا تھا جہاں سے تو کیوں وہاں ہے ابھی |
| ہمایوں |
معلومات