| خدا کی مجھ پہ رحمت ہو گئی ہے |
| اسے مجھ سے محبت ہو گئی ہے |
| یہاں آؤ ذرا اک بات سن لو |
| مجھے تم سے محبت ہو گئی ہے |
| ترے بن جی نہیں سکتی میں ہرگز |
| مجھے اب تیری عادت ہو گئی ہے |
| میں جب سے بولنے ہندی لگی ہوں |
| مری شربت بھی امرت ہو گئی ہے |
| محبت کیا ہوئی جو مجھ کو تم سے |
| مجھے دنیا سے نفرت ہو گئی ہے |
| چلی آؤ درخشاں فاطمہ اب |
| کہ تم سے مل کے مدت ہو گئی ہے |
| مفادوں پر ہے قائم آج رشتے |
| محبت بھی تجارت ہو گئی ہے |
| جدھر دیکھو نظر آتا ہے محشر |
| یہ کیا دنیا کی حالت ہو گئی ہے |
| وہ مجھ سے بغض رکھتے ہیں اے احسن |
| مجھے جن سے محبت ہو گئی ہے |
معلومات