ہم بھی ہیں تیرے عاشق اتنا خیال رکھنا |
اپنا یہی تعلّق ہم سے بحال رکھنا |
------------ |
دنیا نہ دیکھ پائے کمزوریاں تمہاری |
چہرے پہ اپنے یونہی جھوٹا ملال رکھنا |
-------------- |
آئے نظر مہارت ہر کام سے تمہارے |
دنیا میں جو بھی کرنا اس میں کمال رکھنا |
---------- |
جاں جاتی ہے تو جائے ، پر سر نہ جھکنے پائے |
ایمان کو ہمیشہ مثلِ بلال رکھنا |
---------------- |
تم سے گناہ کوئی سرزد اگر کبھی ہو |
اس پر نہ فخر کرنا دائم ملال رکھنا |
------------ |
ارشد کی ساری باتیں جب لگ رہیں ہوں اچھی |
کیسے زباں پہ ہو پھر ، ممکن سوال رکھنا |
----------------- |
معلومات