| آگئے آ گئے تاجدار آ گئے |
| غم کے ماروں کے دل کا قرار آ گئے |
| ہو مبارک تمھیں عاصی او پاپی او |
| رب کی رحمت ہوئی ذی وقار آ گئے |
| ظلم کی رات میں سب کے دکھ بانٹنے |
| درد مند آ گئے غم گسار آ گئے |
| پھول کلیوں کو ان سے ہے خوشبو ملی |
| اجڑے گلشن میں بن کے بہار آ گئے |
| سارے بطحا کے باسی بھی کہنے لگے |
| لو امیں آ گئے راز دار آ گئے |
| عرش سے فرش تک ان کی دھومیں مچیں |
| رب کی جنت کا سونا سنگھار آ گئے |
| آئے یثرب جو چل کے رسولِ امیں |
| بے سہاروں کے آقا سوار آ گئے |
| ان کے قدموں کی مٹی جہاں بھی پڑی |
| پھول کھلنے لگے اور نکھار آ گئے |
معلومات