| گر بات کوئی خانہ ء دل میں اتر گئی |
| غالب گماں ہے، قلزم ہستی نکھر گئی |
| دلبر کی دید بخت وری کو سنور گئی |
| "کہتے ہیں جس کو عید بلآخر گزر گئی" |
| ہم آہنگی فضائے چمن میں بھرے گی رنگ |
| جلوہ نمائی ہوگی جہاں تک نظر گئی |
| نغمہ سرائی، رقص کناں چھائے ہر طرف |
| دوش ہوا جو کوچہ ء جاناں خبر گئی |
| یزداں پہ اعتماد جتائے جو ناخدا |
| کشتی بھنور سے اس کی بے خوف و خطر گئی |
| گلشن کی آن بان ہے کھلتا ہوا گلاب |
| ٹوٹے جو اس کی پنکھڑی، پھر وہ بکھر گئی |
| پائی کتاب زیست کے ناصؔر ورق میں تھی |
| کچھ ایسی داستاں جو اثر دل پہ کر گئی |
معلومات