| داستاں پھر کوئی اپنے سے عبارت کر لیں |
| پھر سے اک بار یوں تھوڑی سی شرارت کر لیں |
| پھر سے رکھ لیتے ہیں بنیاد محبت کی ہم |
| پھر سے مل کر اسے ہم دونوں عمارت کر لیں |
| آؤ مل کر یوں بسا لیتے ہیں دنیا اپنی |
| عہد و پیمان کی یوں پھر سے جسارت کر لیں |
| قربتوں کے کوئی پھر سے یوں تقاضے دیکھیں |
| فرقتوں میں بھی کہیں پھر سے مہارت کر لیں |
| پرسکوں پانی میں کر دیں وہ تلاطم برپا |
| ہم سکوں اپنے کو پھر سے یونہی غارت کر لیں |
| صدیاں بھی تو یہاں بس چشمِ زدن میں گزریں |
| رہ گیا وقت جو یوں پاس طہارت کر لیں |
| ہم بھی کچھ لے کے یوں کچھ دینے کا وعدہ کر لیں |
| باہمی مل کے کچھ آپس میں تجارت کر لیں |
| ہم تہی دست ہیں خالی ہے جو دل غم سے یہاں |
| دل کی غربت کو بدل کر یوں امارت کر لیں |
| عہدِ رفتہ کے مناظر بھی نظر میں آئیں |
| اولیں اپنی محبت کی زیارت کر لیں |
| بعد مرنے کے ملے گا کہاں یہ درد و غم |
| خود کو دنیا میں ہمایوں جو بشارت کر لیں |
| ہمایوں |
معلومات