| درود سید عالم پہ جب پڑھا میں نے |
| عروج اپنی محبت کو دے دیا میں نے |
| ہزار غم پہ بھی افسردگی نہیں ولله |
| حضور آپ کا پایا ہے آسرا میں نے |
| نبی کا شہر ہو ماں باپ ہوں بہن بھائی |
| ہمیشہ رب سے یہی کی ہے بس دعا میں نے |
| کبھی جو نعت کے مصرعے وجود میں آئے |
| بہا کے آنکھ سے آنسو وضو کیا میں نے |
| حبیب اور محب کا جو فلسفہ سمجھا |
| رسول پہلے کہا بعد میں خدا میں نے |
| میں چاہتا ہوں غلامی میں مصطفٰی کی رہوں |
| نہ مال و زر کی ذرا کی ہے التجا میں نے |
| نبی کی زلف مبارک کی شان میں خالدؔ |
| پر ھی ہے سورۂ واللّیل و الضُّحیٰ میں نے |
معلومات