| عشقِ نبی میں پیدا گر مخلصی ہو گی |
| دل جاں فروزاں ہوں گے اک روشنی ہو گی |
| نورِ مبیں نبی کو دل شاد یہ کرے |
| جب آلِ پاک سے تیری دوستی ہو گی |
| نامِ نبی سے کشتہ تیرے بنیں رقیب |
| سمجھو کہ نور والوں سے دل لگی ہو گی |
| راہِ نبی پہ آئے تیرے اگر قدم |
| پھر معتبر اے بندے یہ بندگی ہو گی |
| جب ہو گئے فناہ تم عشقِ نبی میں دل |
| جانو کہ امر تیری یہ زندگی ہو گی |
| وقتِ گراں سے یارو گزرو گے خیر سے |
| یادِ نبی سے دل میں گر آشتی ہو گی |
| محمود خیر والے ہیں آل کے غلام |
| اُن کی قدر کو جانو اک روشنی ہو گی |
معلومات