| جب بھی دیکھا اسے دیکھا ہے بڑے پیار کے ساتھ |
| سامنے اس کے نہ گویا ہوئے اظہار کے ساتھ |
| کیسے سمجھاؤں تمہیں کیسی تھی لذّت ان میں |
| وہ جو لمحے مرے گزرے ، مرے دلدار کے ساتھ |
| چار سُو پھیلا تباہی کا ہے ساماں لیکن |
| ہے وہی امن میں ، شامل ہے جو ، الّدار کے ساتھ |
| وہ محبّت کی زباں کیا مجھے سکھلائیں گے |
| گفتگو جب بھی کریں ، دیکھیں مجھے عار کے ساتھ |
| وہ جفا کرتے رہے ، میں بھی ستم سہتا رہا |
| وہ رہے پیچھے ، میں آگے بڑھا ، رفتار کے ساتھ |
| آئیں گے حضرتِ عیسیٰ ، جو مسیحا بن کر |
| کیا سکھائیں گے مجھے ، دین ، وہ تلوار کے ساتھ؟ |
| اس سے بڑھ کر تو کبھی اس نے ستم ڈھایا نہیں |
| آ گیا گھر پہ مرے ، آج وہ اغیار کے ساتھ |
| طارق اپنی تو یہی دل سے دعا ہے یا ربّ! |
| زندگی ایسی گزاریں ، رہیں ، ابرار کے ساتھ |
معلومات