| کیا ان کی مدح کرتے ہم اپنی زبان سے |
| فرصت نہیں ملی ہمیں اپنے بیان سے |
| ہر ذرہ اس زمیں کا ہے کیف و سرور میں |
| وہ سیر کی غرض سے جو نکلیں مکان سے |
| مجھ کو سنبھالیے کہ مرے ہوش اڑ گئے |
| آیا وہ ملنے مست قیامت کی شان سے |
| نظریں ملا کے ہم سے تم اَبرُو پہ بَل نہ دو |
| لگتا ہے تیر دل پہ نکل کر کمان سے |
| خواہانِ عرش ہیں وہ طلب گارِ گَرد میں |
| مجھ کو زمیں سے عشق انہیں آسمان سے |
| دنیا ہے تنگ مجھ سے یہ کرتے ہیں سب گلہ |
| میں خود یہاں پہ تنگ ہوں اپنی ہی جان سے |
| حاصل ہوا سکون ہے حسانؔ کو یہاں |
| تم نے سنا ہے کذب یہ کس کی زبان سے |
معلومات