| شیرِ یزداں یا، علیؑ |
| نائبِ آقاؐ، علیؑ |
| کُفر پر غلبہ، علیؑ |
| لا فتی اِلّا، علیؑ |
| مظہرِ ربُ العُلیٰ |
| ہے ترا چہرہ، علیؑ |
| مصطفیؐ کے بعد ہے |
| افضل و اعلیٰ، علیؑ |
| مخزَنِ اسلام کا |
| گوہرِ یکتا، علیؑ |
| زینتِ حق کا نشاں |
| شوہرِ زہراؑ، علیؑ |
| بابِ علمِ مصطفیؐ |
| قبلہ و کعبہ، علیؑ |
| سجدہ گاہِ عاشقاں |
| چوکھٹِ مولا، علیؑ |
| عزتِ دینِ نبیؐ |
| حرمتِ کعبہ، علیؑ |
| رحمتِ حق کی جھڑی |
| دھوپ میں سایہ، علیؑ |
| تُو ہے مُلکِ فقر کا |
| حاکمِ اعلیٰ، علیؑ |
| عظمتوں کا تُو بیاں |
| حق کا تُو لہجہ، علیؑ |
| تُو نویدِ فتحِ باب |
| ابنِ آدم را، علیؑ |
| تُو ہے اُمیدِ بشر |
| اے مِرے آقا، علیؑ |
| تُو امامِ ہر سخی |
| بھر مِرا کاسا، علیؑ |
| دین کا، ایمان کا |
| تُو ہے سرمایہ، علیؑ |
| یا ید اللہ یا قوی |
| لا فتی اِلّا، علیؑ |
| گرتے ہیں کٹ کر عدو |
| وار ہے کرتا، علیؑ |
| بدر میں پینتیس کو |
| مارے ہے تنہا، علیؑ |
| کون کرتا سامنا؟ |
| تُو ہے شیرُاللہ، علیؑ |
| ایک تیرے نام سے |
| کُفر ہے سہما، علیؑ |
| دشمنانِ دین سے |
| لڑ گیا تنہا، علیؑ |
| قبر میں آئے گی کام |
| نسبتِ مولا، علیؑ |
| آئے جو مشکل کبھی |
| کہو حیدر, یا علی |
| پاؤں پر دشمن گِرا |
| جب پکارا یا، علیؑ |
| مشکلیں ٹَل جائیں گی |
| بول شاہدؔ یا، علیؑ |
معلومات