| بڑی ضوفشاں یہ جہاں کی فضا ہے |
| لبوں پر دہر کے نبی کی ثنا ہے |
| شہے دو سریٰ کا ہے دنیا میں آنا |
| زمانے میں ڈنکا خوشی کا بجا ہے |
| صفِ انبیا سے ملی تھی بشارت |
| ہے ختم الرسل جو حبیبِ خدا ہے |
| وہ تشریف لے آئے نبیوں کے سلطاں |
| جنہیں رب نے یکتا خلق میں کیا ہے |
| جبل طور سرمہ ہوا حسنِ جاں سے |
| تجلیٰ سے بے خود کلیمِ خدا ہے |
| یہ معراجِ آقا سے حق نے بتایا |
| کہ محبوب میرا یہی دلربا ہے |
| اے محمود رب سے رہا کب گیا تھا |
| انہیں جو دنیٰ میں بلایا گیا ہے |
معلومات