.jpg)
| مِصباحِ دو جَہاں ہے، حَبیبِ خُداؐ کا نام |
| مِفتاحِ ہر زَماں ہے، حَبیبِ خُداؐ کا نام |
| اَبتر ہوئے ہیں اُن کے، سَبھی دشمنوں کے نام |
| زندہ ہے جاوِداں ہے، حَبیبِ خُداؐ کا نام |
| نُورِ خُدا کی ذاتی تَجلّی اِسی میں ہے |
| سورج ہے کہکشاں ہے، حَبیبِ خُداؐ کا نام |
| ہر جُزْو و کُل تو میم کی مُٹھی میں آ گیا |
| تعویذِ کُنْ فَکاں ہے، حَبیبِ خُداؐ کا نام |
| قُرآں کی آیتوں میں، محمدؐ ہے چار بار |
| چاروں طرف عَیاں ہے، حَبیبِ خُداؐ کا نام |
| یہ مُہرِ سَرمَدی ہے، کُلیدِ غُیُوب ہے |
| رحمت بَہ اِنْس و جَاں ہے، حَبیبِ خُداؐ کا نام |
| حمد و ثَنائے مولا کا، جوہر ہے ایک نام |
| جوہر وہ بے گُماں ہے، حَبیبِ خُداؐ کا نام |
| دونوں جَہاں میں جِس کو پُکارا سُنا گیا |
| وہ ذکرِ بے کَراں ہے، حَبیبِ خُداؐ کا نام |
| مقبولِ بارگاہ ہے، اِس کا وَسیلہ پکڑو |
| بس وردِ عاشقاں ہے، حَبیبِ خُداؐ کا نام |
معلومات