.jpg)
| دُکھاں دَرداں توں تنگ آکے |
| ایویں بندہ ہَتھ پیا مَلدا |
| گِلے شِکوے تے شِکایتاں |
| رب نال کرن توں نا ٹَلدا |
| جَدوں تائیں نا سیکا لگے |
| سُوجی دا نئیں حلوا بَندا |
| دَرداں دی چِنگاری باجھوں |
| عشق دا نئیوں ڈیوا بَلدا |
| دُکھ مصیبت نعمت سمجھیں |
| رب بندے نوں یاد پیا کَردا |
| رب دا عاجز بندہ بن جا |
| اُس تے کسے دا زور نا چَلدا |
| نِیواں جیہڑا باغ دا بُوٹا |
| سب توں پَہلاں اوہ تاں پھَلدا |
| ہر حال جو رب دی حمد کرے |
| رحمت نال اوہ جھولیاں بھردا |
| رَکھ شُکر گزاری زبان تے جاری |
| شُکر دے نال ہئی بیڑا تَردا |
| صَبر شُکر نال گُزار جاوے جو |
| آخر نِیکاں وِچ جا رَلدا |
| ویکھو لَنگر مُراد علی تے |
| اَدنٰی غُلام خواجہ دا پَلدا |
معلومات