| اک دوجے کا درد سہیں گے ہم دونوں |
| ہر مُشکل میں ساتھ رہیں گے ہم دونوں |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| خواب بُنیں گے اپنی اپنی مرضی کے |
| تصویروں میں رنگ بھریں گے ہم دونوں |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| پُھول کھلیں گے صحرا اور پہاڑوں پر |
| پگڈنڈی پر جب بھی چلیں گے ہم دونوں |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| سورج ہم کو راہ دکھائے گا آ کر |
| اندھیاروں سے جب نہ ڈریں گے ہم دونوں |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| روز ملیں گے تنہائی کی عالم میں |
| دل کی باتیں خُوب کریں گے ہم دونوں |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| اک دوجے میں اپنے آپ کو ڈھونڈیں گے |
| عہد کیا ہے ساتھ رہیں گے ہم دونوں |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| جھوٹ نہ بولیں گے ہم ظالم کے آگے |
| سولی پر بھی سچ ہی کہیں گے ہم دونوں |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| ٹھان لیا ہے مانی ہم نے کچھ بھی ہو |
| ساتھ جییں گے ساتھ مریں گے ہم دونوں |
معلومات