| رحمتِ کبریا، شاہِ ہر دوسرا |
| مالکِ انس و جاں ، شاہِ ہر دوسرا |
| آفتوں میں گھرا ہے یہ سائل ترا |
| ہو کرم اب شہا ، شاہِ ہر دوسرا |
| یا رسولِ خدا ﷺ اب تو لو تم بُلا |
| اپنے در پر شہا ، شاہِ ہر دوسرا |
| تیرے پیارے تبسم پہ ہر اک فدا |
| صاحبِ دل و جاں ، شاہِ ہر دوسرا |
| ہیں کلامِ الہی میں شمس و ضحی |
| پیارا رخ وہ ترا ، شاہِ ہر دوسرا |
| زلف پیاری تری مثلِ لیل و سجیٰ |
| حُسن کامل ترا، شاہِ ہر دوسرا |
| غوث و خواجہ رضا سب ہے تیری ضیا |
| واہ کیا ہے عطا ، شاہِ ہر دوسرا |
| مجھ کو طیبہ بلا پیارا جلوہ دکھا |
| ہوں میں سائل ترا ، شاہِ ہر دوسرا |
| ہر صحابی ترا مثلِ نجمِ سماء |
| کتنی پیاری ہے شاں ، شاہِ ہر دوسرا |
| دید ذاتِ خودی رب نے کی ہے عطا |
| واہ رتبہ ترا ، شاہِ ہر دوسرا |
| وہ حسین و علی اور حسن ، فاطمہ |
| تیرے گھر کی ضیا، شاہِ ہر دوسرا |
| جتنے اصحاب ہے سب کا صدقہ عطا |
| نور کو اب شہا ، شاہِ ہر دوسرا |
| 22 ذوالقعدہ 1444ھ |
| 13 جون 2023 |
معلومات