| صدر مشاعرہ کو بصد عز و احترام |
| سب حاضرین بزم کا چاہت بھرا سلام |
| صدر مشاعرہ کا جنم دن ہے حاضرین |
| صدر مشاعرہ کو مبارک حسین شام |
| کرتا ہوں پیش ان کا تعارف میں مختصر |
| صدر مشاعرہ کا ہے یوسف ربانی نام |
| یوسف ربانی پیدا ہوئے تھے ریاض میں |
| یوسف زئی قبیلہ ہے اور گاؤں بٹ گرام |
| گاؤں سے آکے شہر بسے تیس سال قبل |
| اسلام آباد پنڈی میں اب بستے ہیں تمام |
| گرد و نواح میں یہ گھرانہ ہے معتبر |
| مقبول خاص و عام ہیں معروف نیک نام |
| مسجد بلڈ کا بینک ہو یا مدرسہ کوئی |
| بڑھ چڑھ کے خاندان ہے کرتا فلاحی کام |
| چھ سال سے مقیم ہیں یوسف جبیل میں |
| صدارہ میں ہیں کر رہے انجینئر کا کام |
| اس کے علاوہ اور بھی ہیں روپ آپ کے |
| حافظ ہیں اور رکھتے ہیں حکمت میں بھی مقام |
| توصیف اور ثنا کا ہے فورم بھی آپ کا |
| اللہ نبی سے پیار کا جس میں ہے اہتمام |
| الحاق بزمِ یاراں کا توصیف و ثناء سے |
| تلواریں دو ہیں ساتھ میں اور ایک ہے نیام |
| کرنا تھا مختصر ہی تعارف ہوا طویل |
| کرتا ہوں اس دعا پہ قصیدے کا اختتام |
| یوسف کے واسطے ہے دعا بر لبِ سحاب |
| دائم ہو خوشیاں زیست میں ہونٹوں پر ابتسام |
معلومات