| مصطفی کے جاں نثاروں کو سلام |
| آقا کے جو سگ ہیں ساروں کو سلام |
| طیبہ کے سارے کناروں کو سلام |
| کوچہء جاناں کے خاروں کو سلام |
| سبز گنبد کے دواروں کو سلام |
| متصل اس سے مناروں کو سلام |
| چشمِ عاشق کو جو ٹھنڈک دیتے ہیں |
| تیرے در کے ان نظاروں کو سلام |
| قلب کو کرتی ہیں باغ و باغ جو |
| اس مدینے کی بہاروں کو سلام |
| جن میں آقا نے گزارے صبح و شام |
| ان پہاڑوں اور غاروں کو سلام |
| گنبد خضری میں جو مدفون ہیں |
| مصطفی کے ان دو یاروں کو سلام |
| ہر دم و ہر آں جو شہ کے ساتھ ہیں |
| کبریا کے ان پیاروں کو سلام |
| اعلی جو لاکھوں میں ہیں اصحاب وہ |
| آقا کے ان چاروں یاروں کو سلام |
| جو بقیعِ پاک میں مدفون ہیں |
| ان صحابہ کے مزاروں کو سلام |
| زینب و حسنین و اولادِ علی |
| دیدہء مولا کے تاروں کو سلام |
| راہِ حق میں اپنی جانیں وار دیں |
| "کربلا کے جاں نثاروں کو سلام" |
| جو قلم شانِ نبی میں بس لکھیں |
| میرا ان اقلام ساروں کو سلام |
| پڑھتا ہے عاجز "شہا" تم پر درود |
| جسمِ شہ کے اعضاء ساروں کو سلام |
معلومات