| ہمیشہ جزبے دلوں میں ابھارتے رہنا |
| سلیقہ سے یہ حجر تم تراشتے رہنا |
| گمان بد جی میں ہرگز نہ پالتے رہنا |
| "برا نہ کرنا بھلا سب کا چاہتے رہنا" |
| نہ بے وفائی برتنا، بھلے مصیبت آئے |
| سبق وفا کا تصور میں سوچتے رہنا |
| کبھی ہو گل کا تبسم، کبھی ہو تازہ کلی |
| مہک فضائے گلستاں میں پھینکتے رہنا |
| فتور عقل، فساد عقیدہ ہونے نہ دے |
| رواج زیست کا جوہر سنوارتے رہنا |
| قدم ہو نفس پہ گر، دوسرا ہو جنت میں |
| مجاہدہ سے خودی اپنی مارتے رہنا |
| نہ بن سکے نئی ایجاد کے بجز ناصؔر |
| کہ تم علوم جدیدہ بھی سیکھتے رہنا |
معلومات