| پھر ہوئی بارشِ آتشِ گل صنم |
| جل اٹھا دل مرا بھر گئی چشمِ نم |
| یوں ستم در ستم سے گئے آج ہم |
| آگ ہی آگ ہے جانِ جاں تن بدن |
| ریشمی زلف و رخسار شیریں دہن |
| حسن کی بارشوں میں وہ بھیگا بدن |
| اس پہ انگڑائی لی ہاۓ توبہ شکن |
| زخم دل کو لگا جان کو رنج و غم |
| حسن شوق و طلب عشق یاس و الم |
| یہ ستم ناتواں پر خدا کی قسم |
| دیکھ کر دستِ قدرت کی رنگینیاں |
| حسنِ شہکار کی دلنشیں وادیاں |
| رنگِ گل میں بکھرتی ہوئی شوخیاں |
| ہم نے جانا کیوں آباد ہیں سولیاں |
| دل فگارو چلو آج کوۓ صنم |
| آج تو کچھ رکھیں عاشقی کا بھرم |
| ختم ہونے کو ہے آج زورِ ستم |
| آؤ آؤ چلیں عاشقو دمبدم |
| لڑکھڑاتے قدم ڈگمگاتے قدم |
| کرچلیں آج ہم داستانیں رقم |
| عشق کے حوصلے حسن کے سب ستم |
معلومات