| صلی اللہ علیہ و آلہ وسلم |
| رضی اللہ تعالی عنہما |
| دل میں چلتی ہوئی پھلجھڑی نعت ہے |
| "آمد_ مصطفی کی خوشی نعت ہے" |
| وہ جو ساقی ہیں کوثر کے مے خانے کے |
| ان کے رندوں کی بادہ کشی نعت ہے |
| ان کے روضے پہ سر کو جھکائے ہوئے |
| دست بستہ مری خامشی نعت ہے |
| اس کو دیکھیں تو یاد آئے شق القمر |
| چاند بھی اک چمکتی ہوئی نعت ہے |
| ان سے صدیق کی دلگی ہے وفا |
| ان سے حسان کی دلبری نعت ہے |
| جن کی خاطر سخن سے نوازا گیا |
| ان کا نوکر ہوں اور نوکری نعت ہے |
| کس لئے پل سے گھبرائے حیدر بھلا |
| اس کے لب پر سجی آپ کی نعت ہے |
معلومات