| شاہراہوں پہ میری تنہائی |
| خوب بھٹکی تو میری کہلائی |
| روز آئینہ ٹوٹ جاتا ہے |
| روز ہوتی ہے میری رسوائی |
| ساتھ میرے ہمیشہ رہتے ہیں |
| سایہ تیرا یہ تیری پرچھائی |
| اس نے آنکھیں کھروچ کر میری |
| سب میں بانٹی ہے میری بینائی |
| لاش میری پہ رقص کرتے ہوئے |
| غم میں ڈوبی ہوئی ہے شہنائی |
| دنیا خود سے حسین لگنے لگے |
| تم پلا دو نا جامِ مینائی |
| اس کا جھمکا قریب آنے لگا |
| میں نے چوڑی جو اس کو پہنائی |
| نام میرا لبوں پہ آنے سے |
| کوئی کلی کہیں پہ مرجھائی |
| ذکرِ یار پر ابھی یارو |
| تھوڑا کھوئی وہ تھوڑا شرمائی |
معلومات