| ہر چیز میں جھلکتی ہے قدرت خدا تری |
| ہر خیر و شر میں رہتی مشیت خدا تری |
| توفیق نیکیوں میں بھی رہتی ہے درمیاں |
| اعمال سے وسیع ہے رحمت خدا تری |
| ہے وحدہ بھی تو اور تو ہی لاشریک لہ |
| عالم میں بے نیاز ہے وحدت خدا تری |
| آفاق و دھرتی، شمس و قمر پا چکے ضیا |
| جلوہ فگن ہے اس میں علامت خدا تری |
| چاہے تو جس کو ملک کے نقشے عطا کرے |
| سب سے نرالی و عالی ہے حکمت خدا تری |
| نمرود ہو، فراعنہ ہو، شداد ہو تو کیا |
| غالب رہی سبھوں پہ حکومت خدا تری |
| توصیف ہو رقم تری ناصؔر سے کیا مگر! |
| عاجز بیاں نہ کر سکے عظمت خدا تری |
معلومات