| بارشوں کے موسم میں |
| سرد سرد راتوں میں |
| رات جب سیاہ ہوگی |
| تیرے اسٹیشن پر |
| اِک ٹرین ٹھہرے گی |
| سیٹیاں بجائے گی |
| اور لٙوٹ جائے گی |
| آندھیاں چلیں گی پھر |
| درد اور محبت کی |
| عشق تنہا گلیوں |
| در بدر سا گھومے گا |
| سارے در بجائے گا |
| آخرش کو تنگ آ کر |
| چاندنی کے پہلو میں |
| تھک کے لیٹ جائے گا |
| تم تو محو ہو گے تب |
| زندگی کے رنگوں میں |
| اور نئی امنگوں میں |
| تم کو کیا خبر ہوگی |
| کوئی کیسے اُجڑا ہے |
| کوئی کیسے بکھرا ہے |
| کس کی آس ٹوٹی ہے |
| کس کو ہجر راس آیا |
| اور کیا سَہا کس نے |
| تیرے گھر کے آنگن میں |
| مَور ناچتا ہو گا |
| تیرے چار سو تو تب |
| گیت ہونگے سنگم کے |
| پائلوں کی چھن چھن اور |
| کہکہوں کے غل ہونگے |
| پر مجھے یقیں ہے کہ |
| تیرے پاؤں کی پائل |
| شور جب مچائے گی |
| تم کو چند پھولوں کی |
| مہک تو ستائے گی |
معلومات