.jpg)
| پَیمانہ مِرے عِشق کا اَنوار سے بَھر دو |
| ہَر خانہ مِرے قَلب کا اَسرار سے بَھر دو |
| بے نُور نہ ہو جائیں یہ بے چین سی آنکھیں |
| نَم خانہ مِری چشم کا دِیدار سے بَھر دو |
| لِکھتا رَہا ہوں ہِجر میں اِک حرفِ یَگانہ |
| اَفسانہ مِرے ہجر کا تکرار سے بَھر دو |
| جاری ہے دَرِ یار سے وہ موجِ قَلندر |
| مَیخانہ مِرے یار کا سَرشار سے بَھر دو |
| آئے گا مِری قَبر پہ اِک روز وہ قاتل |
| سِرہانہ مِری قَبر کا گُلنار سے بھر دو |
| چاہے ہو اَگر تُم کہ تَماشا ہو مُقابل |
| ہَر گوشہ مِرے جِسم کا آزار سے بَھر دو |
| کاسہ ہے مِرا خالی اے حُسن کے والی |
| کاشانہ مِری رُوح کا جَھلکار سے بَھر دو |
معلومات