گلوں کی شوخی میں جان و دل کو بہم اڑا دو، مجھے دعا دو |
مریضِ الفت ہوں مجھ کو یارو کوئی شفا دو، مجھے دعا دو |
مٹا کے میرا وجودِ ہستی خیالِ برہم کے مرحلے سے |
سکوتِ دل میں لہو کی گردش کا آسرا دو، مجھے دعا دو |
سنا ہے شاخِ ہنر پہ پھر سے بہارِ مدحت لگی ہے پھلنے |
مری غزل کو بھی اس کے سایے میں تم سجا دو، مجھے دعا دو |
خبر ملی ہے کے لوٹا ہے رہبروں نے اپنے ہی قافلے کو |
سو مجھ شکستہ کو دشتِ الفت میں تم چھپا دو، مجھے دعا دو |
میں ان دنوں کی نوا ہوں بلبل بھی جب چمن میں تھی رقصِ پیہم |
مجھے گزشتہ فغاں کی چاہت کا نقشِ پا دو، مجھے دعا دو |
میں زندگی کے حسیں مراکز میں تلملایا ہوا دیا ہوں |
مجھے دریچے میں تم جلا کر کے پھر بجھا دو، مجھے دعا دو |
کوئی مزاجِ شگفتہ کاوش گلوں کے بن میں بکھر گیا ہے |
کوئی صدائیں لگا رہا ہے مجھے دعا دو، مجھے دعا دو |
معلومات