| جسے عشقِ احمد خزانہ ملا ہے |
| وہ سمجھے ارم کا بہانہ ملا ہے |
| گراں فیضِ یزداں ملا اس کو ہم دم |
| اگر شہرِ جاں میں ٹھکانہ ملا ہے |
| بڑے ناز والی عطا ہے یہ رب کی |
| نبی مصطفیٰ جو یگانہ ملا ہے |
| درود اُن پہ دائم سلاموں کے گجرے |
| خدا سے ہمیں یہ ترانہ ملا ہے |
| وہ دلبر خدا کے عُلیٰ اُن کے درجے |
| جنہیں عرشِ حق پر ٹھکانہ ملا ہے |
| حسینوں کے دلبر جمیلوں کے آقا |
| خدا سے اُنہیں ہر خزانہ ملا ہے |
| اے محمود رتبے خدا جانے اُن کے |
| فدا جن پہ سارا زمانہ ملا ہے |
معلومات