| زندگی سے کیا پایا؟ |
| دوست بے وفا پایا |
| خوش نصیب ہیں، ہم نے |
| درد بے دوا پایا |
| رہ گئیں تمنائیں |
| دل مَرا ہوا پایا |
| ہم نے زخم ہائے دل |
| اُن سے بارہا پایا |
| اُن کی بزم میں جا کر |
| اپنا مدعا پایا |
| تُو گیا تھا اُن کے ہاں |
| داستاں سُنا پایا؟ |
| جب ہوا کبھی میں گُم |
| اُن کے در پڑا پایا |
| مائلِ کرم اور وہ |
| یہ کہاں لِکھا پایا؟ |
| تیرے ہوتے دشمن کو |
| خنجر آزما پایا |
| ہم لگے عدو کے ہاتھ |
| ہم نے غم جُدا پایا |
| اُن سے روٹھ کر شاہدؔ |
| زیست کو خفا پایا |
| محمدشاہدؔعلی صابری |
معلومات