| یہ زندگی اے مولا دلبر کے نام ہو |
| آلِ نبی پہ ساری میری تمام ہو |
| سبطین مصطفیٰ کا عکسِ جمال ہیں |
| دائم درودِ ربی عترت کے نام ہو |
| ہے ناز امتی کو آقا حسین پر |
| حسنین پر خدایا تیرا سلام ہو |
| رتبہ ملا جو اُن کو کب غیر کو ملا |
| صبرِ حسین مولا پیشِ امام ہو |
| کیا چیز پھول ہیں یہ دنیا جہان کے |
| نعرہ گُلِ قُدس کا ہستی میں عام ہو |
| نغمات آلِ حضرت نعتِ رسول ہیں |
| ڈنکا ثنائے عترت بالائے بام ہو |
| جن کو چنا خدا نے وہ اہلِ بیت ہیں |
| رحمت ہے یاد ان کی یہ ورد عام ہو |
| فیضِ جلیل ملتا آلِ نبی سے ہے |
| صدقے میں ان کے جاری نوری نظام ہو |
| بی فاطمہ کے بابا میرے کریم جاں |
| حسنین اور علی کا فدوی غلام ہو |
| ساغر ہیں پیتے عارف آقا کے باب پر |
| ہادی ہمیں میسر وہ خاص جام ہو |
| محمود جگ ہے سائل آلِ حبیب کا |
| مانگو خدا سے بندہ ان کا غلام ہو |
معلومات