| ولادت لڑکپن جوانی بڑھاپا |
| یہی زندگی کی کہانی ہمیشہ |
| محبت کے مارے محبت میں خوش ہیں |
| یہی دلبروں کی کہانی ہمیشہ |
| مرا غم اثاثہ مرا ہے مرا ہے |
| یہی غم زدوں کی کہانی ہمیشہ |
| ترے دل کے اندر ٹھکانا مرا ہے |
| یہی خود سروں کی کہانی ہمیشہ |
| غلط ہے مجھے تو پھنسایا کسی نے |
| یہی مجرموں کی کہانی ہمیشہ |
| ہمیں ہیں ہمیشہ سے حق پر قسم سے |
| یہی گم را ہوں کی کہانی ہمیشہ |
| نہیں کوئی ہم سا نہیں کوئی ہم سا |
| یہی ظالموں کی کہانی ہمیشہ |
| ہمیں جانتے ہیں ہمیں جانتے ہیں |
| یہی عالموں کی کہانی ہمیشہ |
| مری دل جلی یہ کہانی جدا ہے |
| یہی دل جلوں کی کہانی ہمیشہ |
معلومات