| غزل |
| کلیوں کے جیسی نازکی قربان جائیے |
| رنگیں لبوں کی چاشنی قربان جائیے |
| پھُولوں کِیطرح کِھل اُٹھیں نازک ہتھیلیاں |
| رنگِ حِنا کی دِلکشی قربان جائیے |
| چَھن چَھن کے جھانکنے لگی نازک لباس سے |
| اُجلے بدن کی چاندنی قربان جائیے |
| ہر شوخ کو قتال کی پوری رَسد ملی |
| حسن و ادا و بے رخی قربان جائیے |
| چلمن سے لگ کے دیکھتے ہو بے قرار دل |
| قربان تیرے دِلبری قربان جائیے |
| تیور حضور کے ہمیں اچھے نہیں دکھیں |
| کس بات پر ہے برہمی قربان جائیے |
| کہنے لگے شہاب جی کیا چاہتے ہو تم |
| ہنس کر کہا تری خوشی قربان جائیے |
| شہاب احمد |
| ۱۸ ستمبر ۲۰۲۰ |
معلومات