| سچ کہوں لوگ جو بیمار نظر آتے ہیں |
| ان کے بگڑے ہوئے اطوار نظر آتے ہیں |
| زندگی کی نہیں اب کوئی علامت باقی |
| کوئی زندہ ہو تو آثار نظر آتے ہیں |
| دے گئی دھوکہ ہمیں بیچ بھنور کے ناؤ |
| وہ تو پہنچے ہوئے اُس پار نظر آتے ہیں |
| جیت کر کھینچی جو تصویر ہے کپتانوں کی |
| بیچ میں پہنے ہوئے ہار نظر آتے ہیں |
| روٹھ کر جب بھی گئے تم تو کھلا دروازہ |
| واپسی پر ملے آزار نظر آتے ہیں |
| منتظر لوگ ہیں کانوں میں پڑے خوش خبری |
| پورا ہوتے ہوئے انذار نظر آتے ہیں |
| جن کو سچ کہنے کی عادت ہے سو وہ بھگتیں گے |
| دیکھئے کب وہ سرِ دار نظر آتے ہیں |
| حسن کا رعب تو دیکھا نہیں جاتا ہم سے |
| ایسے قدرت کا وہ شہکار نظر آتے ہیں |
| ڈھونڈنے نکلے تھے زندوں میں ولایت ہم تو |
| ہر جگہ مُردوں کے دربار نظر آتے ہیں |
| ہیں وہی لوگ جو ملتے ہیں بدل کر چہرے |
| وہی بنتی ہے جو سرکار نظر آتے ہیں |
| کیسے طارق ہو مرے لب پہ شکایت کوئی |
| اُس کے خوش ہونے کے اظہار نظر آتے ہیں |
معلومات