| ہمّ و غم بولتا ہے کون ہوں میں |
| ہاں ستم بولتا ہے کون ہوں میں |
| درد ظاہر بھی ہو جو چہرے سے |
| کب بھرم بولتا ہے کون ہوں میں |
| چیختا ہے خموش رہ کر بھی |
| یہ قلم بولتا ہے کون ہوں میں |
| نالۂ ہجر آہ بنتا ہے |
| گریہ کم بولتا ہے کون ہوں میں |
| آبلہ پا ہوں پھر بھی چلتا ہوں |
| ہر قدم بولتا ہے کون ہوں میں |
| سب سے گر اختلاف رکھتا ہے |
| کیوں دھرم بولتا ہے کون ہوں میں |
| ہر گھڑی ہو رہا ہے مجھ پر جو |
| وہ کرَم بولتا ہے کون ہوں میں |
| بت نکالے گئے وہاں سے تو |
| اب حرم بولتا ہے کون ہوں میں |
| فیصلہ اس کا آخری طارق |
| جب حَکَم بولتا ہے کون ہوں میں |
معلومات