| وعدۂ محبت کو جو یہاں نبھائیں گے |
| منزل وفا اپنی سامنے وہ پائیں گے |
| دل کے سارے زخموں کو سینے میں چھپائیں گے |
| "مشکلیں پڑیں گی جب اور مسکرائیں گے" |
| جستجوئے پیہم نے حوصلہ میں جاں بھر دی |
| اب قدم نہ میداں میں اپنے ڈگمگائیں گے |
| ہو کہیں سحر روشن تو ہو چاندنی پھیلی |
| مہر و ماہ بن کے ہر سمت جگمگائیں گے |
| پرخلوص فرمائش طالبین کی جب ہو |
| نغمہ پیار کا تب محفل میں گنگنائیں گے |
| کج روی، کدورت از خود ہی مٹتی جائے گی |
| صدق دل سے گر شکوے سارے ہم بھلائیں گے |
| میل جول رکھنے والوں پہ آفریں ناصؔر |
| خاکساری سے وہ آزردہ کو منائیں گے |
معلومات