| فعلن فعْل فعولن فعلن فعْل فعولن |
| من کی باتیں من ہی جانے من، کا من اسرار |
| کوئی بات نہ مخفی رہتی من کی آنکھیں چار |
| سکھ کی کلیاں دکھ کے کانٹے من میں کئی اَسْمار |
| کھوج سکو نہ من کے پردے من ایسا سنسار |
| من چاہے تو عرش بلائے کرنے قول قرار |
| من ہی عاشق من ہی دلبر ہے من کا کردار |
| من پہنائے عشق کا جامہ من لگائے روگ |
| من ہی کھوجی من ہی موجی من کے کئی اطوار |
| من جانے شوخی و شنگی من کے میٹھے بول |
| بھولی بھالی من کی فطرت نادر اس کا پیار |
| رنگ میں عشق کے من رنگے تو ہو جائے انمول |
| عشق کے موتی من میں پروئے من ہی ان کا تار |
| من ہی آشا من ہی بھاشا من ارشد کا میت |
| من دلبر کے گیت سنوارے بولے من اشعار |
| مرزاخان ارشدؔ شمس آبادی |
معلومات