| آنکھوں سے وہ چرا کے مرے خواب لے گیا |
| ظالم ہے عشق جی سے مرے تاب لے گیا |
| میرا سکون و چین بھی لوٹا ہے عشق نے |
| باقی جو بچ گیا تھا وہ سیلاب لے گیا |
| بچوں نے بھوک سے یہاں گِریہ جو سُر کیا |
| اتنا میں رو دیا کہ مجھے آب لے گیا |
| نے صبر و خِرد و حِس ہے نہ دل ہی رہا بجا |
| آیا جو سیلِ ہجر سب اسباب لے گیا |
| آیا تھا مے کدے کو نصیحت کے واسطے |
| واعظ کو ایک جامِ مئے ناب لے گیا |
| چہرے کا نور دیکھ کے حیران رہ گئے |
| ہوش و حواس پَرتَوِ مہتاب لے گیا |
| حسانؔ کی نظر میں اک ایسا بھی شخص ہے |
| اردو ادب کے سارے جو القاب لے گیا |
معلومات