| فراغِ عیش و مسرت کی جستجو رکھ لے |
| ذرا اداس طبیعت ہے کچھ سبو رکھ لے |
| ترے خمیر میں گرچہ جہان گردی ہے |
| ذرا سی صحرا نوردی بھی قیس خُو رکھ لے |
| عجب نہیں کہ زمانہ اسے غلط رخ دے |
| مرے رقیب ذرا میری آبرو رکھ لے |
| ہزاروں کام ہیں دنیا میں کرنے والوں کو |
| خیالِ حسن و ادا ہی بہانہ جُو رکھ لے |
| کہاں تصور و تخییل کی ہمیں فرصت |
| ادا و ناز و نخوت اے ماہ رُو رکھ لے |
| بہت قریب ہے تجھ پر بھی یہ گھڑی آئے |
| کرم نواز طبیعت اے تند خُو رکھ لے |
| مجھے عزیز ہے جان و جگر کی بیتابی |
| وصال و دید کی راحت اے شاہیؔ ! تُو رکھ لے |
معلومات