میں ہوں حسینی میں ہوں گدائے غمِ حسین ع |
لمحہ بہ لمحہ آنکھ بہائے غمِ حسین ع |
جس جس کی بھی جبیں پہ لگی خاکِ کربلا |
مرنے کے بعد بھی وہ منائے غمِ حسین ع |
تڑپائے جب کسی کو بھی ہونٹوں کی تشنگی |
پھر اُس کے بعد کون بھلائے غمِ حسین ع |
تاثیر اُن کے عشق کی پھیلی ہے روح تک |
کس طرح میرے دل پہ نہ چھائے غمِ حسین ع |
کیسے نہ اہلِ بیت کے غم میں ہو آنکھ تر |
کوئی بھی غم نہیں ہے سوائے غمِ حسین ع |
کوئی کہیں جو چیڑ دے کربل کا تذکرہ |
نکلے لبوں سے جا بجا ہائے غمِ حسین ع |
نوکر رہا ہے آلِ محمد ص کا شوخ جی |
کیونکر نہ ہر کسی کو سنائے غمِ حسین ع |
معلومات