| آنکھیں ہیں نیم خواب نیا سال آ گیا |
| جیون وہی عذاب نیا سال آ گیا |
| پنچھی اُداس بیٹھے ہیں یادوں کی شاخ پہ |
| مُرجھائے ہیں گلاب نیا سال آ گیا |
| کس نے تمہارے پیار میں کیا کچھ لُٹا دیا |
| چھوڑو سبھی حساب نیا سال آ گیا |
| صحرا کی گرم ریت پہ کب تک چلائے گا |
| دلبر مرا نواب نیا سال آ گیا |
| اب حالِ دل سنائیں تو کس کو سنائیں ہم |
| پُر درد ہے شباب نیا سال آ گیا |
| دو نین تیری دید کے فاقوں سے مر گئے |
| لوٹ آئیے جناب نیا سال آ گیا |
| دامانِ یار تھام امیدِ کو نا چھوڑ |
| اُٹھیں گے اب حجاب نیا سال آ گیا |
| اے شورشِ حیات ذراسانس لینے دے |
| لکھنی ہے اک کتاب نیا سال آ گیا |
| یاسر کو کنتی آس ہے تیرے جواب کی |
| دے کوئی تو جواب نیا سال آ گیا |
معلومات